Transcription
1
Monsegneur, jay differé vous faire entendre les occurrences
2
de ce payse en tant que monsieur le consellier Emé vous
3
en advertit journellement, et aussi pour cause de la trefve.
4
Il vous pleut, et à messegneurs de la cour et d’Embrun, me
5
pourveoir à la charge de commander en ceste ville avec
6
cent hommes. Despuis, mondict segneur d’Embrun, à la
7
requeste des consulz des comunes de ce pays, leur a acordé
8
fournir lesdits cent hommes par rende ; lesquelz, despuis ceste
9
ordonnance, il ne y a heu moyen havoir et a falu que
10
ceux de la ville ayent faict la garde avec le peu
11
de nombre dhommes quil y a. Je prierey votre grandeur me
12
vouloir donner le moyen par lequel je puisse tenir la
13
presente ville en toute asseurance et les chemins des
14
environs ou bien, sil vous plaict, à la part quil vous
15
plaira me commander, je serey tousiours prest vous hobéyr
16
très humblement et mourir à voz piedz. Et du surplus,
17
mondict sieur le consellier vous en dira le tout, et du faict
18
de Molines. Je prie le Createur
19
monsegneur, vous donner en perfecte santé très longue
20
et heureuse vie. De Briançon, ce XXVIe janvier 1574.
21
Votre très humble et plus affectionné
22
serviteur ferrus